Super Goal - 火柴人足球

通過劃線方式踢波，個波嘅行走路線同方向完全由你掌握。運用你嘅聰明才智去破解一個個謎題，再用一個屬於你嘅超級精彩入球完結比賽！

如果你想玩火柴人風格嘅足球遊戲，咁呢款來自於2022年嘅3D足球遊戲肯定係你嘅最佳選擇。因為佢係一款唔需要網絡都可以盡情暢玩嘅單機遊戲，隨時隨地想玩就玩。

喺我哋呢款瘋狂嘅足球遊戲入面，你唔單只可以好似真實比賽咁樣用頭、腳、背等部位去掂個波，仲可以無視規矩任意鏟人同埋越位，完全係想點就點，開心無限制！睇到呢度，係咪已經忍唔住好想即刻玩呢個遊戲呢？

你喺每一關入面會收集到金幣同埋鎖匙，呢幾樣野都係非常有用，例如解鎖新奇好玩嘅足球皮膚同埋各種角色裝扮嗰時會用到佢哋。所以，記得俾心機出盡力去收集金幣同鎖匙啦！

玩法簡單變化多多加埋細緻畫面，呢款火柴人風格嘅運動悠閒遊戲肯定可以俾到你最正嘅踢波享受！一班朋友家人大時大節聚埋一齊嗰陣，呢個遊戲就係最佳選擇，一家大細一齊玩返夠本！

遊戲特點
AI控制的3D遊戲
-喺多人模式比賽入面，我哋用高智能嘅遊戲AI黎控制球員嘅行為動態，完全為你打造同真實球員同場競技嘅最佳體驗！

多樣的玩法
-除咗11人制嘅足球比賽，7人制，5人制等等都一樣玩得。除咗球員之間互相對壘，仲設置咗各種各樣唔同嘅障礙訓練關卡以及有大量金幣等你收集嘅獎勵關卡。

成為你想成為的樣子
-超級英雄、忍者、球星、牛仔、紳士、大兵、國王等等大量唔同角色任你揀，皮膚嘅顏色亦可以比你隨時轉換。自由配搭自由裝扮，整一個專屬你自己嘅遊戲角色造型！

來一次足球的旅行
-沙灘、城市、街頭、山地、赛博朋克等多種風格嘅球場，你都可以喺遊戲入面一一體驗，踢波同時仲可以體驗唔同嘅足球文化，讓你不虛此行。

不單單是足球
-除咗踢波，你仲可以選擇踢籃球、網球，甚至係水果、糖果、動物造型等等當波踢，精心製作嘅唔同風格造型足球，就係為左帶比你前所未有嘅驚喜體驗！

盡情慶祝
-當你射入一粒精彩入球之後，可以喺對手身邊囂張放肆咁慶祝，甚至係要佢地配合你一齊做出更瘋狂嘅慶祝動作！係咪聽到都覺得好興奮期待呢？

Super Goal 係一款充滿各種新奇設計嘅足球休閒遊戲，追求趣味性同時又不失挑戰性，立即下載！控制你專屬嘅火柴人盡情去探索全新嘅足球世界啦！

一切只係啱啱開始。為咗打造一款最頂尖嘅火柴人足球遊戲，我哋仲會推出好多好多新內容，更加多嘅關卡同埋角色即將陸續出現！

期待收到大家嘅評價！你嘅寶貴意見同埋建議將會係我哋Super Goal嘅未來改進改善嘅重要因素之一！